解放者杯：苏克雷大学主场盼胜

成日睇欧洲波，今日就同大家转下口味，喺嚟紧礼拜二清早就有新一年度嘅南美自由杯外围赛上演，其中乌拉圭队伍蒙特维多流浪首回合挥军玻利维亚挑战苏克雷大学就最为值得各位客官关注。 【更多单场彩资讯】

　　老实讲，苏克雷大学及蒙特维多流浪近年喺南美自由杯均无任何突出表现，双方都只系在2015年度嘅本项赛事当中齐齐止步十六强，彼此都可算系难兄难弟。但如果睇返两队喺近期嘅表现大家就可以发现一些端倪，毕竟喺上年12月进行嘅6场国内联赛当中，苏克雷大学仅取1胜；而蒙特维多流浪喺上年12月则系2战1胜1和。与此同时，苏克雷大学目前主场表现亦欠缺说服力，皆因喺过去8场主场赛事当中，佢哋只取得3胜2和3负嘅平庸战绩。今铺首回合想要在主场打响头炮，苏克雷大学恐怕都系有心无力。

　　

至于人脚上，两队阵中皆以本土球员为主打，但个别球员今仗依旧值得关注。其中蒙特维多流浪攻击手N.干沙里斯势必会成为苏克雷大学后防线今仗一大威胁，皆因佢喺球队最近4仗赛事中贡献3波，毫无疑问系蒙特维多流浪此行力图先拔头筹嘅食煳利器。